Пра саюз

 

Беларускі саюз дызайнераў быў створаны рашэннем устаноўчага з'езда 14 снежня 1987 года. БСД – рэспубліканскі творчы саюз, які аб'ядноўвае больш за 600 спецыялістаў у галіне індустрыяльнага і графічнага дызайну, праектавання малых форм, інтэр'ераў і абсталявання, рэкламы, арт-дызайну, мадэльераў, педагогаў і тэарэтыкаў дызайну.

Наш саюз – сябра міжнароднай асацыяцыі "Саюз дызайнераў" і асацыяцыі грамадскіх аб'яднанняў "Беларуская канфедэрацыя творчых саюзаў".

Асноўныя мэты саюза - развіццё і прапаганда творчай дзейнасці дызайнераў, абарона аўтарскіх правоў, прафесійных, эканамічных і сацыяльных інтарэсаў; павышэнне эфектыўнасці ўкладу дызайну ў развіццё культуры і эканомікі Рэспублікі Беларусь.

Сябры Саюза прадстаўлены ў галіновых мастацкіх саветах, у журы прафесійных конкурсаў і фестываляў, камісіях па прысуджэнні прэмій. Саюз актыўна супрацоўнічае з міністэрствамі культуры і інфармацыі, перыядычнымі выданнямі, замежнымі культурнымі арганізацыямі і пасольствамі.

Сябры БСД мелі персанальныя выставы ў розных гарадах свету і ўнеслі вялікі ўклад у стварэнне школы савецкага і беларускага плаката. Многія работы нашых майстроў перамагалі ў прэстыжных міжнародных конкурсах і фестывалях і прадстаўлены ў самых вядомых музеях плаката ў Варшаве, Лахці, Брно, Таяме, Нью-Йорку, Мехіка, Лондане і Луўры. На сусветнай выставе ў Гановеры цэнтральнае месца ў беларускай экспазіцыі займала канцэптуальная распрацоўка членаў Саюза "Проект Века".

Выдавецкія праекты БСД – "Даведнік БСД", каталог "Знак. Лагатып", выданне "PROдызайн" – адзначаны вышэйшымі ўзнагародамі рэспубліканскага конкурсу "Мастацтва кнігі".

Апроч гэтага БСД стварае сайты сваіх выданняў:

znak.unid.by — каталог "Знак. Логотип"
plakat.unid.by — сайт беларускага плаката
www.avers.by — геральдыка, спартыўныя прызы, карпаратыўная сімволіка

Сачыце за навінамі на нашай старонцы ў Facebook, і Інстаграм.