Новости

З 23 чэрвеня па 23 верасня Беларускі саюз дызайнераў праводзіў конкурс на стварэнне мастацкіх твораў у галіне плакату і іншых ужытковых форм (прынты для аддзення і торбаў, сувеніры, аксэсуары, тату і г.д.), а таксама памятнага знака, для абазначэння архітэктурных аб’ектаў, якія маляваў Напалеон Орда, прысвечаны яго 215-годдзю.

З 11 лістапада па 31 снежня ў Беларускім саюзе дызайнераў паходзіць выстава альтэрнатыўнай фатаграфіі «З лічбы ў жывапіс».

Беларускія фатографы: Кульпановіч Дзмітрый, Калашнікаў Ігар, Дрыбас Анатоль, Ведзень Віктар, Ціхаміраў Віталь, Кабанаў Андрэй − дэманструюць майстэрства гумміарабікавага фотадруку.

«З лічбы ў жывапіс» – вынік працы за мінулых 2 гады калектыву фатографаў: паездак па Беларусі, пленэраў, лекцый, майстар-класаў, працы ў лабараторыі. На выставе будзе прадэманстравана 30 работ, створаных за апошнія гады. Экспазіцыя ўключае ў сябе фатаграфіі розных жанраў: пейзаж, дзікая прырода, нацюрморт, партрэт, стрыт, графіка. Мэтанакіравана для выставы былі падрыхтаваны і надрукаваны работы, якія былі зроблены пры дапамозе нейрасетак.

Частка 1. Прызнанне звонку

Беларускі саюз дызайнераў працягвае працу над стварэннем Анталогіі беларускага дызайна  - праекта, у якім мы хацім прадставіць прадметы і тавары з высокімі спажывецкімі якасцямі, добрым унікальным дызайнам, якія з'яўляюцца арыгінальнай распрацоўкай нашых беларускіх аўтараў. Мы ўжо паспелі правесці першую канферэнцыю, у якой прынялі удзел не толькі дызайнеры, але і музейныя спецыялісты, гісторыкі, калекцыянеры, краязнаўцы, мастацтвазнаўцы, культуролагі, абмеркавалі пытанні пошука артэфактаў беларускага дызайна, персаналій, інстытуцый, выданняў і вызначэння крытэрыяльнасці адбору найлепшых з іх. Першымі вынікамі нашай працы стала падборка "Няпростыя рэчы", якая ўключыла ў сябе дасягненні беларускага дызайна 20-га стагоддзя. Гэтым разам мы прадстаўляем калекцыю "Найношы беларускі дызайн" - гэта распрацоўкі беларускіх аўтараў 21-га стагоддзя, адзначаныя на знакамітых, вядомых ва ўсім свеце конкурсах дызайна, сядор іх: Red Dot Award, Cannes Lions International Festival of Creativity, Міжнародны конкурс упакоўкі Pentawards, Urban Design & Architecture Design Awards і інш.

 Няпростыя рэчы. Віртуальны музей беларускага дызайну.

  

Пачаткам існавання інстытуцыйных форм дызайну ў Беларусі напэўна мы можам лічыць стварэнне кафедры прамысловага мастацтва і філіяла інстытута тэхнічнай эстэтыкі ў другой палове 1960-х гг. Адначасова на некаторых буйных высокатэхналагічных прадпрыемствах былі сфармаваны спецыялізаваныя канструктарскія бюро. Але ж даволі якасныя рэчы, якімі карысталіся беларусы, і ў тым ліку ўзоры так званага протадызайну ў выглядзе інструментаў і ўжытковых рамесных рэчаў, строяў ствараліся значна раней.

 У пачатку 1990-х гг. Інстытутам тэхнічнай эстэтыкі была распачата спроба паказаць гісторыю развіцця беларускага дызайну ў гістарычным кантэксце. У выстаўнай зале “ВНИИТЭ” была арганізавана вялікая выстава з распрацоўкамі беларускіх дызайнераў сучаснасці, а таксама вытокаў дызайну. На жаль, выстава існавала нядоўга і з той пары спробы стварэння анталогіі беларускага дызайну не распачыналіся. Мы лічым, што настаў час вярнуцца да гэтых даследаванняў.

13 кастрычніка Беларускі саюз дызайнераў запусціў праект "Стужка14".

Стужка14 - асветніцкая ініцыятыва маладой генерацыі саюза, якая хоча паглядзець на дызайн з новага ракурсу.
Сезон 2022 - 2023, які складаецца з 14 эпізодаў, утрымлівае мастацкія і дакументальныя стужкі: розныя гады, розныя тэмы, розная глыбіня тэмы. Агульнае адно - панаванне дызайну.

Страница 1 из 15